موقع وحجز أونلاين للمشاريع الخدمية في الكويت والخليج
موقع يحجز عنك.
تختار نوع نشاطك، وLowmark يسوي لك موقع كامل على مقاسه: خدماتك وأسعارك وزر الحجز، ورابط واحد تحطّه في انستقرام والواتساب. وكل حجز يوصلك في مكان واحد، بالعربي والإنجليزي.
بدون بطاقة. وبعد التجربة 9.999 د.ك بالشهر.
واجهة Lowmark الفعلية. بيانات مشروع تجريبي غير حقيقي.
الحجز مو مكانه المحادثات.
زبونة تسأل عن موعد في انستقرام، والثانية تطرّش فويس على الواتساب، وموظفة الاستقبال تنطر ردّك. وتلقى نفسك تدير المشروع كله من تلفونك، بين موعد وموعد.
وكل رد يتأخر، زبون حجز عند غيرك.
ثلاث خطوات وتكون أونلاين.
قول لنا وش تشتغل
صالون، عيادة، مطعم، تأجير أو غيرها. Lowmark يجهّز لك الصفحات ونظام الحجز اللي يناسب شغلك.
خلّه على ذوقك
اختار تصميم مسوّي لنوع نشاطك، وغيّر أي كلمة أو صورة بضغطة عليها.
شارك رابط واحد
حطّه في البايو وفي الواتساب. الزبون يحجز، وأنت تشوف الحجز على طول.
موقع يشبهك، ويحجز مثل موظفة استقبال.
تصاميم مسوّية لنوع نشاطك، وخدماتك وأسعارك مرتبة وواضحة، وزر حجز في كل صفحة. الزبون يختار الخدمة والوقت، والطلب يوصلك.
- تصاميم تناسب نوع نشاطك
- مواعيد وحجز طاولات وطابور مباشر
- دومينك الخاص وقت ما تبي
تصميم لكل نوع نشاط.
تتصفح تصاميم مسوّية للصالونات والعيادات والمطاعم والتأجير وغيرها، وكل تصميم بأكثر من لون. تعاينه بخدماتك وصورك أنت، وتغيّره وقت ما تبي بدون ما تضيع ولا كلمة.
- تصاميم مرتبة حسب نوع النشاط
- كل تصميم بأكثر من لوحة ألوان
- تغيّر التصميم ومحتواك وحجوزاتك باقية
رابط واحد لانستقرام وتيك توك وسناب والواتساب.
صفحة روابطك تبدأ بزر الحجز، وبعده كل مكان يلقاك فيه الزبون، وكل منصة بشعارها الحقيقي. وأنت تحدد وش يحفظ زر «حفظ جهة الاتصال»، أو تخفيه.
- أكثر من ٢٠٠ منصة، منها طلبات وديليفرو
- روابطك الخاصة بصورك أنت
- الزبون يحفظ رقمك بضغطة
تفتح Lowmark، ويومك مرتب قدامك.
مواعيد اليوم، والزباين الجدد، وكم واحد زار موقعك، وفوقهم أول شي يحتاج قرارك.
- اللي يحتاجك أول
- مين جاي ومتى
- كم واحد لقاك هالشهر
كل موظف يعرف شغله، بدون ما يسألك.
لكل موظف دخوله الخاص، ويشوف بس الأدوات اللي يحتاجها شغله. موظفة الاستقبال تشوف حجوزات اليوم وتجلّس الضيوف، وأنت تتابع الصورة كاملة بدون ما تكون طرف في كل سالفة.
على مقاس شغلك.
١١أنواع نشاط
٢لغتين، عربي وإنجليزي
الخدمات المحلية
المواعيد
العيادات والطب
المطاعم والضيافة
التأجير
رعاية الحيوانات وتمشية الكلاب
الجمال والعافية
الخدمات المنزلية
التدريب والدروس
الفعاليات والتجارب
متجر إنستغرام والتواصل
Your business.
In your words.
مشروعك،
بلغتك وبأسلوبك.
العربي عندنا لغة أولى، مو ترجمة.
زبونك يقرأ باللغة اللي يرتاح لها. تكتب موقعك بالعربي والإنجليزي، وكل لغة تنقرأ طبيعية وبترتيبها، مو نسخة مقلوبة.
Lowmark داخل تطبيقك للذكاء الاصطناعي
اسأل مساعدك الذكي عن حال شغلك.
اربط Lowmark مع تطبيق ذكاء اصطناعي متوافق واسأل بالعربي أو الإنجليزي: حجوزات اليوم، كيف كان الأسبوع، رد على زبون، أو شكل جديد لموقعك. يشتغل على بياناتك الحقيقية، وتغييرات الموقع تنتظر موافقتك.
شوف كيف يشتغلجرّب كل شي مجاناً ١٤ يوم.
باقة وحدة فيها كل شي. تبدأ بدون بطاقة وبدون رسوم تأسيس. ولما تخلص التجربة، تختار شهري أو سنوي عشان يبقى موقعك شغّال.
99.999د.ك بالسنة
كأنك تدفع ١٠ شهور بس.
- تجربة مجانية ١٤ يوم، وكل شي مفتوح
- موقعك، بتصاميم تناسب نشاطك
- حجز أونلاين ومواعيد وطابور مباشر
- صفحة روابط وبطاقة اتصال
- سجل الزباين وتاريخ حجوزاتهم
- دخول خاص لكل موظف حسب دوره
- عربي وإنجليزي في كل مكان
- ربط دومينك الخاص
أسئلة يسألونها أصحاب المشاريع.
أنا أستقبل الحجوزات على الواتساب، لازم أوقف؟
لا. كمّل كلامك مع زباينك على الواتساب، بس شارك رابط الحجز في المحادثات وفي البايو، والحجوزات توصلك مرتبة في مكان واحد.
أنا مو شاطر بالتكنولوجيا، أقدر عليه؟
إذا تعرف تنزّل بوست على انستقرام، تقدر تجهّز Lowmark. تضغط على أي كلمة أو صورة وتغيّرها، وما يظهر شي للناس إلا لما تنشر.
الزبون لازم ينزّل تطبيق؟
لا. يحجز من موقعك أو صفحة روابطك، من متصفح تلفونه.
التجربة مجانية صدق؟
إي. كل مساحة عمل جديدة تاخذ ١٤ يوم وكل شي مفتوح، وما تحط بطاقة عشان تبدأ.
كم السعر بعد التجربة؟
9.999 د.ك بالشهر أو 99.999 د.ك بالسنة. ما في باقة مجانية دائمة.
لازم أغيّر نظام الدفع عندي؟
لا. خلّك على جهاز الدفع أو الطريقة اللي تستخدمها اليوم.
كل موظف له دخول خاص؟
إي. تسوي له دخول وتحدد دوره، والدور يحدد وش يشوف ووش يقدر يسوي.
أقدر أستخدم دوميني الخاص؟
تبدأ برابط على Lowmark، وتقدر تربط دومين تملكه وقت ما تكون جاهز.
أقدر أربط تطبيق الذكاء الاصطناعي؟
إي. اربط تطبيق الذكاء الاصطناعي اللي تستخدمه مع Lowmark، واطلب منه يعرض حجوزات اليوم أو يغيّر تصميم ونصوص موقعك. تغييرات الموقع تبقى مسودات حتى تنشرها. إذا سمحت بالتعديل، تُطبّق تغييرات الخدمات والعملاء وساعات العمل والحجوزات فوراً؛ وقد ترسل قرارات الحجز رسائل البريد المعتادة للعملاء. توافر التطبيقات ورسومها يختلف.
